Сабзавотлар сифати
- Подробности
- Бўлим: Пазандачилик
- Чиққан санаси: 01 Апрель 2013
- (Нашр қилинган санаси)
Қалампирнинг барча турини қуритиб олиш мумкин. Бунинг учун аччиқ қалампир ўртасидан, ширини эса бандидан ипга териб чиқилади.
Анча вақт сақланган ёнғоқнинг таъми ўзгаришини ҳамма билади. Ана шундай ёнғоқларни сал шўрроқ сувда 5-6 кун пўстлоғи билан солиб қўйилса, асл таъми қайтади.
Ёнғоқларни иссиқ газ печида озгина вақт ушлаб турилса, уларнинг мағзини синдирмасдан чақиш мумкин бўлади.
Газ печида пиширилаётган гўшт устига фақат иссиқ сув пуркаш керак, совуқ сув пуркалса гўшт қаттиқ бўлиб пишади.
Қайнатиб пиширилаётган картошка суви ичига озгина саримсоқпиёз, лавр япроғи ва озгина шивит кўкатидан солиб юборилса, у янада мазали бўлади.
Гуруч оппоқ ва қўлга ёпишмайдиган бўлиб пишиши учун қайнатилаётган сув ичига озгина лимон шарбати солиб юбориш керак.