1. Skip to Menu
  2. Skip to Content
  3. Skip to Footer
  • Никоҳ эълони ва унда кўнгилху
  • Никоҳ тўйини қилиш кимнинг зи
  • Эр-хотин орасидаги муштарак ҳ

Muslima.Uz

Онангизга итоат қилинг!

(Ҳаётий воқеа)

Зокир ака кўп йилардан бери ҳунармандчилик қилиб келади. Ёши элликка яқинлашиб бораётган бўлса ҳам ҳалиям меҳнатдан қочмай, елиб югуриб кун кечиради. Яқин йиллардан бери ўзи маҳсулот тайёрлаш билан биргаликда бошқа ҳунармандларнинг ҳам маҳсулотларини олиб сотиб тижорат билан ҳам шуғулланиб келмоқда. Шукрки бир ўзи эмас, бутун оила аҳли билан бирга ушбу ишга киришганлар. Икката ўғли ёнида меҳнат қилса меҳнат қилиб, савдо қилса савдо қилиб вояга етди. Иккита қизи ҳам бу борада ортда қолмай кўмакдош бўлди. Катта ўғли Достон мактабни тугатиб летцейга ўқишга кириб пойтахтга йўл олди. Энди кичик ўғил Муҳаммаджоннинг ишлари янада кўпайди. Муҳаммаджон қувноқ, мудом жилмайиб турувчи, меҳнатдан қочмайдиган, ғайратли энди 17 ёшга кирган бола эди. Отасининг ёнида доим ёрдамчи бўлди. 
Муҳаммаджон кунларнинг бирида ишларини тугатиб ҳордиқ чиқараётган эди. Шу пайт дўсти қўнғироқ қилиб қолди. Бу бола Муҳаммаджонга асло ўхшамас, безори, бекорчи бола эди. У Муҳаммаджонга машинасани олиб чиқишини сўради. Муҳаммаджон чиқа олмаслигини айтган эди уни ҳоли жонига қўймади. Кейин Муҳаммаджон кетишга тараддуд кўрди. Онаси кеч бўлганда кетма деса, онасига «Ҳозир бормасам кейин мени ўртоқларим ёнида «бу бола онасидан қўрқади» деб изза қилади» дея чиқиб кетди. Бу уни онасини сўнги марта кўриб туриши эди.
Муҳаммаджон ҳалиги дўсти билан кўришгач, машинани бошқаришни дўсти ўз қўлига олди. Биргаликда тўйга бордилар. Кейин эса кира қилишмоқчи бўлдилар. Тўйхонадан бир аёл ва эркак мижоз чиқиб қолди. Ичиб олганига қарамай машинани ҳалиям Муҳаммаджоннинг дўсти бошқарар эди. Маст ҳолатда машина бошқариб қоидани бузгани камлик қилгандек, қарама-қарши томонга ҳаракат қилиб яна қоидани бузди. Бу эса уларга фалокат олиб келди. Рўпарадан келаётган оғир юк ташивчи машинага тўқнаш келишларига сабабчи бўлди. Натижада шу заҳотиёқ Муҳаммаджоннинг юраги қинидан чиқиб кетиб жон таслим қилди. Орқа ўриндиқда ўтирган эркак киши ҳам ҳалок бўлди. Аёл киши нимжон ҳолатда эди. Машинани бошқариб турган ҳайдовчи эса енгил жароҳат билан омон қолди. Тезда атрофни оламон қоплаб олди, «тез ёрдам» хизматини чақирдилар. Аммо улар келгунича нимжон ҳолатдаги йўловчи аёл жон берди. «Тез ёрдам» ходимлари ҳайдовчи ва мурдаларни олиб кетдилар. Ҳайдовчи жароҳати учун тегишли муолажаларни олди ва шифохонага ётиш учун жойлашди. Ҳамма ўзи билан ўзи аввора бўлиб, ундан бехабар бўлиб қолганларида эса секин қочиб қолди. Аммо қочиб қаерга ҳам борар эди, орадан кўп ўтмай ички ишлар ходимлари уни қўлга олдилар.
Эътибор қилинглар азизлар, бир кишининг безорилиги, шариатга, қонунга амал қилмаслиги уч кишининг ҳаётига зомин бўлди. Энди эса қилган жинояти учун жазони ўташ билан ўз умри ҳам завол бўлади...

Ғиёсиддин Муҳаммад Юсуф

Ҳозир сайтимизда битта меҳмон бор, сайт аъзолари эса йўқ