Янги мақолалар

Сайт бўлимлари

Никоҳ эълони ва унда кўнгилхушлик қилиш

Никоҳни эълон қилишнинг ҳикмати аввал ҳам айтиб ўтилди. Ўша эълон қилишда баъзи мусиқа овозлари ҳам ишлатилиши ҳадисларда келган. Шу билан бирга, никоҳ тўйларида шариат кўрсатмалари доирасида кўнгилхушлик қилишга рухсат берилган. Бу ҳақийқатларни келгуси ҳадиси шарифлардан ва уларнинг шарҳидан ўрганамиз.

Никоҳ тўйини қилиш кимнинг зиммасида?

Авваллари бу савол ўртага ташланмаган, чунки никоҳ тўйи кимнинг зиммасида эканлигини ҳамма яхши билган ва унга амал қилган.

Эр-хотин орасидаги муштарак ҳуқуқлар

Ушбу турдаги ҳақлар эрга ҳам, хотинга ҳам бир тарафдан ҳақ бўлса, иккинчи тарафдан мажбурият ҳисобланадиган нарсалардир. Икки тараф ҳам мазкур ҳақдан баҳраманд бўлиш билан бирга, худди ўша нарсани умр йўлдошининг ҳаққи сифатида адо этиши ҳам зарурдир.

Никоҳ эълони ва унда кўнгилху�
Никоҳ тўйини қилиш кимнинг зи�
Эр-хотин орасидаги муштарак ҳ�

Muslima.Uz

Муқаддас ва муҳташам ошён

Подробности: Бўлим: Долзарб мавзу

Оила ҳаётнинг асосий ўзаги, жамиятнинг кичик бир бўлаги, узвий қисми, бошланғич пойдевори ҳисобланади. Шунинг учун ҳам қадимдан ҳар бир жамият оила ва унинг тинч, фаровонлиги масаласига катта эътибор бериб келади.

Оила мустаҳкамлиги, биринчи навбатда, эр-хотиннинг бир-бирига ҳартомонлама муносиблигига боғлиқ. Келин ёки куёв танлашда, кимдир чирой, кимдир мол-дунё, яна кимдир эса обрў, мансабни ўлчов қилиб олади.
Бир одам Ҳасан Басрийдан сўради:
– Жуда яхши кўрадиган қизим бор, талабгорлари ҳам кўп. Уни кимга турмушга берай?
Ҳасан Басрий бундай дедилар:
– Аллоҳга итоат қиладиганига бер. Зеро, ундай одам қизингни яхши кўрса, чиройли муомалада бўлади. Мабодо ёқтирмаса ҳам, ҳеч бўлмаганда, унга ёмонлик қилмайди.
Демак, келин ёки куёв танлашда энг олдин диққат қаратиш керак бўлган омил уларнинг эътиқодидир. Шу билан бирга, динимиз таълимотида поклик, соғлом оила ва соғлом авлод масаласига ҳам алоҳида эътибор қилинган. Зеро, турмуш қураётган келин-куёвлар ақлан, жисмонан етук бўлсалар, улардан дунёга келадиган фарзандлар ҳам соғлом бўлади. Бу борада юртимизда никоҳланувчиларнинг тиббий кўрикдан ўтишлари мажбурий қилиб белгилангани айни муддаодир.
Оилани мустаҳкамлайдиган, икки инсонни бир-бирига боғлайдиган ришта никоҳдир. Никоҳ – маданият, аслзодалик, тараққиёт ва илғорлик белгиси. У туфайли оила деб аталган муҳташам ва муқаддас ошён қурилади. Бу ошёнда эр-хотин ҳамда улардан туғилган зурриётлар орасидаги муносабатлар маъно ва мустаҳкамлик касб этади.
Айтиш керак, хонадон тинчи, ҳаловати ҳар жиҳатдан оила аъзоларининг ўз ўрни ва масъулиятларини билишига боғлиқ. Бу борада Қуръони карим ва ҳадиси шарифларда етарлича кўрсатмалар берилган. Эр, хотин, фарзандларнинг бурч ва вазифалари, ўзаро муносабатларда диққат қилиш керак бўлган ўринлар атрофлича ёритилган.
Динимиз эркакларга аёл болаларнинг онаси, рўзғорнинг ички камчиликларини тўлдирувчи, оила учун дилдан қайғурувчи, фарзандлар тарбиячиси эканини унутмасликни уқтиради. Ўз ўрнида, нафақа бериш, ҳимоя қилиш, меҳр-шафқат кўрсатиш каби вазифалари юзасидан эрларидан миннатдор бўлишлари зарурлигини хотинларга эслатади.
Уларга риоя қилсак, оилаларимиз чин маънода ҳаловат ва муҳаббат масканига айланади. Бундай ошёнда тарбия олиб, ўсган фарзандлар ҳам етук ва комил инсонлар бўлиб улғайишади.

Шаҳобиддин ПАРПИЕВ

бесплатные шаблоны сайтов