1. Skip to Menu
  2. Skip to Content
  3. Skip to Footer
  1. Home
  2. Муносабат
  3. Урф-одат
  4. Бекажон
  5. Виртуал ҳижоб, ёки биз ҳаммамиз фейсбук аҳлимииз

Моҳипайкар Кўсем Султон Усмоний Султон Аҳмаднинг рафиқаси

Ҳуррам Ҳасаки Султон Сулаймон Қонунийнинг аёли

Номаҳрам инсонни севиш мумкинми?

  • Печать
Подробности
Бўлим: Фатволар
Чиққан санаси: 15 Ноябрь 2014
(Нашр қилинган санаси)

Номаҳрам инсонни севиш мумкинми?

Бу ерда севиш нимадан иборат эканлигини аниқлаш керак. Агар севги яхши кўриш маъносида илми, маърифати учун, тақвоси учун, бошқаси учун, албатта бу мўмин-мусулмонларни орасида бор нарса. Агар севгидан ишқ маъносида, шаҳват маъносидаги гап бўладиган бўлса, албатта демак эри хотин бир-бирини севиши бор булар маҳрам бўлади. Эр хотин бўлиб турган кишилар номаҳрамни севиши мутлақо мумкин эмас, ишқ, шаҳват маъносида. Лекин ана шундай ҳолдан аввал уйланишдан, никоҳдан аввал бўлса бу нарсани демак, никоҳга боғлаш билан иш тугаши бор. Бу ҳам ўзига яраша шаръий қоидалар бўйича, яъники қалбдаги ҳолат бўйича мумкин. Ана шу севги туфайли совчи қўйиб, келишиб, никоҳ билан ишни тугатса яхши бўладиган ҳолат.

Йигит ўзи ёқтирган қизга уйланиши мумкинми?

  • Печать
Подробности
Бўлим: Фатволар
Чиққан санаси: 15 Ноябрь 2014
(Нашр қилинган санаси)

Йигит ўзи ёқтирган қизга уйланиши мумкинми? Шунингдек, йигит қиз танлашда у билан кўришиши мумкинми?

Демак, йигит ўзи ёқтирган қизга уйланиши мумкин, нимага мумкин бўлмайди? Албатта мумкин, лекин аввалги айганимиздек, катталарни маслаҳати билан, ҳамма хурсанд бўлиб қилгани яхши. Ана энди танишиш мақсадида учрашиш дейдиган бўлсак йигит қизлар уйланиш мақсадида, никоҳланиш ниятида бўладиган бўлса ўша куёв ёки келин бўлишга номзод шахс билан учрашишлари мумкин, буни шариатда рухсати берилган Пайғамбаримиз с.а.в.саҳобаларга уйланмоқчи бўлганларида келинни кўришни тавсия қилганлар. Ва келажакда унси улфатни яхши бўлишига хизмат қилишини бу ишни таъкидлаб айтганлар. Аммо бу кўришиш харом ҳариш иш билан бўлиши керак эмас, шариатга хилоф вазиятда ўтиши мумкин эмас. Бунинг учун ана ўша никоҳдан олдин кўришиб бир-бири билан танишиб, маъқуллаш маъносини излаш пайтидаги учрашувда учинчи бир шахс ҳам бирга бўлиши керак. Чунки балоғатга етган бир-бирига бегона номаҳрам бўлган шахсларни йигит қизларни ёлғиз қолишлари шариатда мумкин эмас. "Агар икковлари ёлғиз қолса учинчилари шайтон бўлади" дейилган, йўлдан уради. Ва ҳаром хариш ишлар юзага чиқишига сабаб бўлади. Ана шунинг учун қариндош кишилардан, яқин кишилардан учинчи бир кишининг гувоҳлигида кўришиб, учрашиб, савол-жавоб қилишиб, баъзи-бир фикр мулоҳазаларни айтиб ва ана шу ўзига ёқадиган тарафларни излаш маъноларида учрашишига рухсат берилган шариатда бу бор нарса, қилинган ва қилиниб келаётган бир амалдир. Буни яхши билиб олишимиз керак.

Бир танишим ўз поччасидан, яъни опасининг эридан ҳомиладор бўлиб қолди

  • Печать
Подробности
Бўлим: Фатволар
Чиққан санаси: 14 Ноябрь 2014
(Нашр қилинган санаси)

Бир танишим ўз поччасидан, яъни опасининг эридан ҳомиладор бўлиб қолди. Яқин орада фарзанд дунёга келиши керак. Ҳозир икковларининг ҳам боши қотган. Вазиятга бирор чора борми?

Бу ҳаммамизнинг мусибатимиз. Ана шундай аралаш қуралаш бўлиш, шариатнинг аҳкомларига амал қилмаслик, “маҳрам”, “номаҳрам” деган тушунчалардан йироқда бўлиш ва шунга ўхшаган мусибатларга олиб келади. Шунинг учун ниҳоятда эҳтиёт бўлиш керак. Баъзи бир ҳолатларда, номаҳрам бўлса ҳам мана шу поччасига бўлган муносабат бўлгани каби қариндош ҳисоблаб, эркак аёлларни номаҳрам ҳолда ёлғиз қолишлари зинога, мана зинодан ҳаромдан бола пайдо бўлиши каби ҳолатларига олиб келади. Бу жуда катта мусибат, бундай ҳолатлардан ниҳоятда эҳтиёт бўлиш керак. Ҳозир буларга нима маслаҳат бериш мумкин энди. Агар шариатда бўладиган бўлса, иккови эътироф қилиб турса, буларни жазоси маълум ва машҳур. Лекин ҳозир ундай ҳолат йўқлиги учун икковлари тавба қилишлари керак. Аллоҳ субҳонаҳу ва таолонинг Ўзига ёлборишлари керак. Бу ва бундан бошқа гуноҳларга мутлақо яқин келмасликлари лозим ва бутун умрларини тавба билан Аллоҳ таолонинг Ўзидан мағфират сўраган ҳолларида, бундан кейин фақат ибодатда, тақвода, яхшиликда бўлиб ўтишга ҳаракат қилишлари лозим. У ёғи Аллоҳ таолонинг Ўзига ҳавола бўлади.

Ҳомиладор бўлмаслик учун ҳозирда «спирал» деган нарса аёл ичига жойлаб қўйилади...

  • Печать
Подробности
Бўлим: Фатволар
Чиққан санаси: 14 Ноябрь 2014
(Нашр қилинган санаси)

САВОЛ: Ассалому алайкум, ҳурматли Шайх ҳазратлари!
Мен уйланганман, аёлим ҳомиладор, яқинда фарзандли бўламиз. Шу борада саволим бор эди. Аёлим она бўлганидан сўнг маълум бир муддат жинсий алоқада бўлолмайман ва алоқага рухсат бўлганида яна ҳомиладор бўлиб қолиш эҳтимоли бор, ваҳоланки фарзандимиз ҳали анча кичкина ва аёлимга қийин бўлишини ўйлаган ҳолда вақтинчалик ҳомиладор бўлмаслик учун ҳозирда «спирал» деган нарса аёл ичига жойлаб қўйилади, буни қўллаш жоизми? Шу масалани, яъни «вақ-тинчалик ҳомиладан муҳофазаланиш» масаласини ойдинлаштириш имкони борми?

ЖАВОБ: Бисмиллаҳир роҳманир роҳийм.
Ҳадисларда бу иш азл деб аталади. Бу нарса эркак жинсий алоқанинг сўнгида уруғликни ташқарига тўкиши билан ҳосил бўлган. Ҳанафий, моликий ва бир қавлда шофеъий мазҳабларида аёлнинг беморлиги ва эмизикли боланинг соғлигига зарар етиши аниқ бўлганида, аёлнинг изни билан азл қилиш жоиз дейилган. Демак, эру хотин келишиб, адолатли табибларнинг зарар ҳақидаги гувоҳликларини олиб фақат вақтинча ҳомиланинг ман қилувчи воситаларини ишлатса бўлади. Ҳеч кимнинг ёдидан чиқмаслиги лозим бўлган ҳақи-қат–Исломда наслни чеклаш мутлақо мумкин эмаслигидир. Валлоҳу аълам.

Никоҳ ўқиш эвазига тугун ва пул олишларига ислом дини қандай қарайди?

  • Печать
Подробности
Бўлим: Фатволар
Чиққан санаси: 14 Ноябрь 2014
(Нашр қилинган санаси)

CАВОЛ - Домлаларнинг никоҳ ўқиш эвазига тугун ва пул олишларига ислом дини қандай қарайди?

Аслида қадимдан баъзи бир ишларни қилишга, мисол учун масжидда имомлик қилишга, Қуръон таълими беришга ёки фиқҳ илмини ёки бошқа илмларни ўргатишга ҳақ олиш ман қилинган: «Бу нарсалар ибодат, савобли ишлар, ибодат ҳисобланган нарсага ҳақ олиб бўлмайди» дейилган. Кейин вақт ўтиши билан одамларнинг ташвиши, турмуш қийинчиликлари, сарф-харажатлари кўпайиб борган сари бундай ишларга ажраб чиқадиган одамлар йўқолиб борган. Ҳамманинг оиласи бор, бола-чақаси бор, тирикчилиги бор, яшаши керак, шунинг учун хизмат қилиш, тижорат, деҳқончилик, ҳунармандлик қилишга ҳамма ўтиб кетган, диний ишлар оқсашни бошлаган. Одамлар кўпайиб боргани сари, диний маълумоти бор одамлар камайиб боргани сари бу эҳтиёж янада ортиб бораверган. Ана шунда уламолар аввалги фатволарига тескари бўлган фатволарни чиқаришган. Балки одамлар ажралиб чиқиб шу диний ишларнинг бошини тутмаса, масжидларда имомлик қилмаса, кимлардир муаззинлик қилмаса, кимлардир таълим бериб илмни бардавом бўлишини таъминламаса диний илмлар йўқолиши, динга амал қилишда путур етиши катта хавф туғдирганлигини билиб «Илм эгалари - мана шу ишларни бажарадиганлар ҳақ олишларига рухсат» дейилган ва кўпчилик жойларда имомлар, олимлар дин хизматига ажраб чиққанларни тирикчилик учун кетадиган сарф-харажатларини ўша ернинг қавмига вазифа қилиб бериш даражасига етилган, бу нарсалар китобларда айтиб қўйилган. Ҳозирги кунда домлаларнинг никоҳ ўқиши эвазига тугун ёки пул берилаётган бўлса, албатта буни домлалар талаб қилиб олишмайди, шартнома тузишмайди ёки яна бирор шунга ўхшаган таъмагирлик маънолари очиқ-ойдин кўринмайди, балки халқнинг ўзи урф даражасига чиқариб олган, ўрганишиб қолган, кўнгилдан чиқариб бирон нарса беришни ўзларига лозим деб биладилар. Агар ўша бераётган одам кўнглидан чиқариб «бир дуога сабаб бўлсин» деган бўлса ҳечқиси йўқ. Бермайдиган бўлса домлага бормасдан ўзлари никоҳ ўқишиб қўйса, тугун ёки пул бериш масъулиятидан қутилишади, бу жуда яхши бўлади, домлалар ҳақида мана бу саволга ўхшаш турли ёмон гумонлар ҳам тарқамасдан яхши бир ҳолатга ўтилган бўлади.

Еще статьи...

  1. Бир таниш дугонам бир йилдан бери турмуш ўртоғи билан никохсиз яшайди
  2. «Иштон» билан чўмилиш ноқулай-ку...
  3. Замонавий ҳомилани ман қилувчи воситалар
  4. Етимни боқиб олишда уни фамилия ва «номи»мизга ўтказмаслигимиз керак

Кўп манзур бўлган мақолалар

Ҳозир сайтимизда 248 та меҳмон бор, сайт аъзолари эса йўқ

Зинонинг “замонавий” тури

Собиқ синфдошим. «Одноклассники.ру» сайтидан топиб олдим. Биз мактабда ўқиб юрган кезлармиз севишардик... Буни қаранг-ки, «одноклассники»дан топишганимизда, у мени ҳалиям севишини айтди. Муҳаббатимиз сўнмаган экан.

Оила, никоҳ, талоқ (фатволар)