1. Skip to Menu
  2. Skip to Content
  3. Skip to Footer

Оила бошлиғи

“Эркаклар хотинлар устидан (оила бошлиғи сифатида доимий) қоим турувчилардир. Сабаб — Аллоҳ уларнинг айримлари (эркаклар)ни айримлари (аёллар)дан (баъзи хусусиятларда) ортиқ қилгани ва (эркаклар ўз оиласига) уз мол-мулкларидан сарф қилиб туришларидир” (Нисо, 34).

Аллоҳ эркакни оила бошлиғи этиб танлади, шу боис даражада уни аёлдан устун қилди.

“Эркаклар аёллардан бир даража устундирлар”.

Эркаклар оғир меҳнатларда ишлаб, оиласининг иссиқ-совуғидан доимо хабардор бўлиб туради, моддий томондан таъминлаб, нафақаларини беради, чет ҳужумлардан ҳимоя қилади.

Расулуллоҳ (соллаллоҳу алайҳи ва саллам) бир ҳадисларида бундай деганлар: “Сизнинг ҳар бирингиз бошлиқ ва ҳар бирингиз қул остингиздагиларга жавобгарсиз”.

Эр оила бошлиғи, оиладаги мол-мулкнинг эгасидир. Ўзи меҳнат қилиб топган бу мулкдан эҳтиётлаб фойдаланишни аёлига ишониб топширади. Аёли ўзининг иффатини сақлаш билан бирга, эрининг мол-мулкини ҳам асрашга бурчли. Эркак оиланинг тинч-тотувлигини, бахт-саодатини, равнақини, гуллаб-яшнашини, фарзандларининг камолини ўйлаб, ҳар қандай оғир ишни бўйнига олади. Шунингдек, у оилани мустаҳкам ҳолда тутиб туришнинг барча чора-тадбирларини кўришга ҳам бурчлидир.

Иззатуллоҳ ЙЎЛДОШ
тайёрлади

Ҳозир сайтимизда 52 та меҳмон бор, сайт аъзолари эса йўқ