Қўшилгандан сўнг ухлаш олдидан таҳорат қилиш

• 

Подробности

Бўлим: Никоҳ одоби

Чиққан санаси: 22 Июнь 2013

(Нашр қилинган санаси)

Қўшилгандан сўнг таҳорат қилиб, сўнг ухлашлик яхши ва фойдалидир. Бу ҳақда бир қанча ҳадислар мавжуд:
Биринчи: Оиша (р.а) ривоят қилади:
 «Расулуллоҳ (с.а.в) жанобат ҳолатларида ухламоқчи ёки бирор нарса емоқчи бўлсалар, авратларини ювардилар ва намозга таҳорат олганларидек таҳорат қилардилар».[1]

Иккинчи: Абдуллоҳ ибн Умар (р.а) ривоят қилади:
 Умар (р.а) Набий (с.а.в)дан: «Жанобат ҳолатимизда ухласак бўладими?»,- деб сўради. Расулуллоҳ (с.а.в): «Ҳа, таҳорат қилганингдан сўнг»,- деб жавоб бердилар».[2]

Бошқа бир ривоятда:
 «Таҳорат қил ва авратингни юв, сўнг ухлайвер»,- деганлар.[3]

Яна бир ривоятда:
 «Ҳа, таҳорат қилишинг, ухлашинг ва хоҳлаган вақтингда ғусл қилишинг мумкин»,- деганлар.[4]

Ва яна бошқа бир ривоятда эса: «Ҳа, агар хоҳласанг таҳорат қилишинг мумкин»,- деганлар.[5] (Сўнги ривоят бу таҳоратнинг вожиб эмаслигига далилдир).

Учинчи: Аммор ибн Ёсир (р.а) ривоят қилади:
 Расулуллоҳ (с.а.в): «Уч кимсага фаришталар яқинлашмайди: Кофирнинг мурдаси, (аёлларга хос бўлган) атир-упага беланган эркак ва жинсий алоқа қилган киши то таҳорат қилмагунича»,- деб марҳамат қилганлар».[6]

[1] Бухорий ва Муслим ривояти.
[2] Бухорий ва Муслим ривояти.
[3] Бухорий ва Муслим ривояти.
[4] Муслим ва Байҳақий ривояти.
[5] Ибн Хузайма ва Ибн Ҳиббон, саҳиҳ
[6] Абу Довуд, Аҳмад ва бошқалар, ҳасан.