Ҳайздан пок бўлган аёл қачон жинсий алоқа қилиши мумкин?

• 

Подробности

Бўлим: Никоҳ одоби

Чиққан санаси: 23 Июнь 2013

(Нашр қилинган санаси)

Аёл киши ҳайз қонидан тозаланса ва қон тамомила тўхтаса:
(1)            қон теккан жойларни ювгандан сўнг;
(2)            таҳорат олгандан сўнг;
(3)            ёки комил ғусл қилгандан сўнг эри у билан жинсий алоқа қилиши мумкин.
Қуръон оятига асосланган ҳолда, санаб ўтилган 3 турли покланишдан бирини қилган аёл билан эрининг қўшилишига рухсат берилади:
 «Пок бўлганларидан кейин уларга Аллоҳ буюрган тарафдан келингиз! Албатта Аллоҳ тавба қилгувчиларни ва ўзларини мудом пок тутгувчиларни севади».[1]
Бу Ибн Ҳазм, Ато, Қатода, Авзоий ва Довуд Заҳирий ва Мужоҳидларнинг фатвосига мувофиқдир. Ибн Ҳазмнинг айтишича: «Буларнинг учаласи ҳам покликдир. Шунинг учун аёл ҳайз ҳолатидан сўнг учаласидан хоҳлаган бирини қилгандан сўнг эри учун ҳалол бўлади».
Қубо аҳли тўғрисида нозил бўлган оятда ҳам авратни поклаш маъносини англатувчи бир лафз қўлланилган:
 «... Унда покликни севадиган кишилар бордир. Аллоҳ эса ўзларини мудом пок тутгувчи зотларни севар»[2].  Оятларда ҳам, Суннатда ҳам ушбу оятни учала ҳолатдан бири билан чекловчи қайд йўқ. Шунинг учун хоҳлаган бирини қилиш мумкин.

 [1] «Бақара», 222.
[2] «Тавба», 108.