1. Skip to Menu
  2. Skip to Content
  3. Skip to Footer

Кўпхотинлик ва унинг исломдаги ҳикмати

 

 

 

Бу рисоламизда баъзи ғарбликлар шармандагарчилик ва нуқсон деб ҳисоблайдиган «кўпхотинлик» хусусида гапириб ўтмоқчимиз. Мусулмонлардан бўлган баъзи ҳокимлар – насронийларга тақлидан бу тартибни бекор қилишга ҳаркат қилишади. Уларнинг фикрича, Аллоҳ кўп хотинликка ҳеч қандай ҳужжат туширмаган. Эр хотинининг устига иккинчисини олиш учун биринчи хотиннинг розилигини олиши лозим. Кўпхотинлиликдан ман қилиш буйруғини қозига бериб қўяди, у хоҳлаганича ман қилиб, хоҳлаганича рухсат беради. Ва булардан бошқа кўп хотинликни ман қилишнинг йўллари ҳақида фикрлайди.

Инсон билиши керак бўлган ҳақиқат шуки, кўп хотинлик Исломнинг афзалликларидан биридир. Чунки буни қонунлаштиришдан мақсад боқий, одил зот Аллоҳнинг иродаси бўлиб, ижтимоий муаммоларни, халқлар ва жамиятларни азоблайдиган энг қийин муаммоларни ечиш бўлган. Бу муаммолар ечимини фақат Ислом таълимотига қайтиш ва унинг тартиботларига амал қилиш билангина топиш мумкин.

Кўпхотинлиликни ман қиладиганлар ўзларидаги кўп ўйнаш тутишликни негадир инкор қилишмайди. ўарбликларни камдан­кам битта хотин билан кифояланганини кўрасиз. Балки ўнлаб аёллар билан, маъшуқа ва ўйнашлар билан бузуқлик қилишади. Буларни хунук иш, деб ҳисоблашмайди, чунки у – «жинсий ишларда тўлиқ эркинлик» бўлиб, агар аёл шунга рози бўлса ва мажбурлаш орқали бўлмаса, бундай қилиш мумкин, дейишади.

Худди шундай ғарблик аёл ҳам эрининг ўзи хоҳлаган аёл билан севишиб, ўйнашиб юрганини кўрса, унга тўсқинлик қилолмайди. Ундай бўлса нега у бундай «ҳақ»дан маҳрум?! У ҳам жинсий роҳатда ҳур­эркин бўлиб «эрларни кўпайтириб» хоҳлагани билан рақсга тушиб, ўзи хоҳлаган эркак билан ҳеч қандай қаршилик ва ҳеч қандай ҳаёсиз равишда жинсий алоқага киришади. Кўпинча бу аҳволни эри билса, сен менга тегма, мен сенга тегмайман қабилида иш юритади.

Уларнинг ичида бошини кўтариб: «Мен ўзимнинг битта хотиним билан чекланаман ва ҳеч қачон зино-фаҳш билан шуғулланмадим», дея оладиган шарафли ва иффатлиси борми?

Уларнинг аёл­қизларичи? Уларнинг қайси бири уйланган ёки бўйдоқ эркак билан жинсий алоқа қилмаган?

Бу ишнинг ғалати томони шундаки, ғарбликлар назарида ҳалол никоҳ билан кўп хотинлик бўлиш таъқиқланган ва хунук иш ҳисобланади, ҳаром йўл билан, ўйнаш орттириб юриш ҳеч қандай айбсиз иш ҳисобланади, чунки у шахс эркинлиги қонунига тўғри келади.