Бўлимчалар

• Мақолалар
• Туғруқхонадан мактублар
• Ҳикоялар
• Парда ортида
• Ҳаловат
• Турмуш сабоқлари

  Оилам.Уз сайти «Турмуш сабоқлари» рукни остида зукко муаллифимиз Аҳмад Муҳаммад Турсун қаламига мансуб оилавий муносабатларга оид китоб ва мақолаларини жойлаштиришни ният қилди. Мазкур мавзулар фаровон турмуш кечириш, бахтли бўлиш, саломатлик, ҳалол йўл билан бойиш, оила фароғати, эр ва хотин муносабатлари, қиз ва йигитларни турмушга тайёрлаш, маънавий ва руҳий оламни бойитиш каби кўплаб ҳаётий мавзуларни қамраб олади. Инсоннинг руҳий оламини инкор этиб, фақат моддиятни тарғиб қиладиган Ғарбда тўхтовсиз чоп этилаётган ҳамда кишиларга ҳақиқий бахт-иқболга эришиш йўлларини ўз андозалари орқали кўрсатадиган китоб ва дастурлардан фарқли ўлароқ бу китобларда соф инсоний муносабатлар, асл қадриятлар, иймон-эътиқоднинг тамал тошлари ҳақида қизиқарли ва батафсил сўз юритилади.

• Бахтли бўлишнинг ўттизта сабаби

  ШАЙХ ОИЗ АЛ-ҚОРНИЙ
  

  Араб тилидан Зияева Сурайё Мурод қизи таржимаси

  
  Бисмиллаҳир Роҳманир Роҳийм

  Муқаддима

  Алҳамдулиллаҳ, вассолату васссаламу ъала росулиллаҳ ва алиҳи ва соҳбиҳи ва баъд…
  Бу мухтасар рисоланинг муаллифи, камина, бахт-саодат бобидаги ўнлаб китобларни ўқиб чиққанимдан сўнг, улардан олинган хулосаларини ваҳийнинг ватани бўлмиш Байтуллоҳул Ҳарамда – икки кун ичида ёзиб тугатдим. Ўқиш осон бўлиши учун ундан ҳар қандай ортиқча рақам, манбаа  ва  номлар  тушириб қолдирилган. Аллоҳ бу китобчани дунё ва охиратда ўқувчига ҳам, ёзувчига ҳам манфаатли қилсин.
  Қандай қилиб бу китобчадан имкон борича кўп фойда олиш мумкин? Авваламбор, китобни бир неча бор такрор ўқиб, жумлаларига қайта-қайта тўхталгин. Баъзи муҳим сўз ва жумлаларнинг тагига чизиб қўй. Ўзингни бу китобдаги тавсияларни тадбиқ қилишга ва ундаги кўрсатмаларига амал қилишга унда. Бу китобни уйда оилангга, масжидда эса бошқаларга дарс сифатида ўқиб беришинг мумкин. Ушбу рисолани гўёки дастурхон устига ёки ёстиқ ёнига қўйиладиган енгил, хушбўй райҳон каби қабул қил. Ва ниҳоят, уни ўқиётганингда ўзингни саволга тут: Тушунчаларингда ўзгариш сезяпсанми? Руҳиятинг таъсирланяптими? Каминанинг умид қилган нарса мана шу. Ёлғиз мақсадим – Аллоҳнинг  розилиги. Мувафаққият фақат Аллоҳдандир. Унинг ўзигагина таваккал қиламан ва Унгагина қайтаман.

  Муаллиф
  

• Ривоят
• Жинсий тарбия