Оилага ҳозирлик кўриш

• 

Подробности

Бўлим: Мақолалар

Чиққан санаси: 09 Август 2013

(Нашр қилинган санаси)

Баъзи ёшлар оилага юракларини тайёрлашдан аввал, уйлари ва ашёларини тайёрлашга қарайдилар. Табиийки, хато қиладилар. Чунки оилага тайёргарлик пулдан олдин юрак билан қилинади. Ҳамма нарса тугасин деб, оиладан аввал қарз олиб, оила қургач қарз тўлашга ҳаракат қилган ёшлар бахтга қийин эришадилар. Чунки қарз тўлаш олдидаги асаблар кўпинча уруш-жанжалга сабаб бўлади.
Агар бахт учун ортиқча мол, ашё, бойлик лозим бўлса эди. Пайғамбаримиз с.а.в. ва оилалари бахтсиз бўларди. Ваҳоланки, камбағалликда энг катта бахтга эришган улар эдилар. Даврлари асри Саодат, яъни бахт чоғи сифатида эсланади.
Пайғамбаримизнинг с.а.в. севимли қизлари Ҳазрати Фотиманинг сеп сандиқларига қарашни хоҳлайсизми?
1.Яхши жойнамоз.
2. Учта кўрпача.
3. Битта ёстиқ.
4. Буғдой янчиш учун қўл тегирмони.
5. Чойнак, пиёла.
6. Буғдой элаги.
7. Ёпинчиқ, сочиқ ва пўстак.
8. Кўрпа.
9. Дастурхон.
Пайғамбаримиз с.а.в. бу ашё учун шундай дуо қилганлар: «Ё Раб! Сен ёқтирмаган исрофдан қочган бу инсонларга шу ашёни хайрли қил!
Машҳур немис шоири ва мутафаккири Гёте шундай дейди: «Хоҳ қирол, хоҳ ҳаммол бўлсин, дунёда энг бахтли инсон оила ҳузурини кўрган инсондир».

«Биз бахтли оила қурамиз» китобидан