Расулуллоҳ (соллаллоҳу алайҳи ва саллам) аёлларга раҳмат эдилар

• 

Подробности

Бўлим: Исломий оила

Чиққан санаси: 18 Июнь 2022

(Нашр қилинган санаси)

Расулуллоҳ (алайҳиссалом) аёлларга инсонларнинг энг раҳмлиси эдилар. У зот (алайҳиссалом) одамларга аёлларга нисбатан яхши муомалада бўлишни тавсия қилганлар.

Расулуллоҳ (соллаллоҳу алайҳи ва саллам) айтадилар: “Аёллар борасида Аллоҳдан қўрқинглар” (Имом Муслим ривояти); “Аёлларга яхши муомалада бўлинглар” (Муттафақун алайҳ); “Мен сизларга икки заифнинг ҳаққини ман қиламан -етим ва аёлнинг ҳақини” (Имом Ибн Можа ривояти).
У зот (алайҳиссалом) ҳажжатул вадоъ хутбасида шундай деганлар: “Аёллар ҳақида Аллоҳга тақво қилинглар. Бас, албатта, Аллоҳнинг омонатини олгансизлар ва уларнинг фаржларини Аллоҳнинг калимаси билан ҳалол қилгансизлар” (Имом Муслим ривояти).
Бу борада яна бир неча ҳадис келганки, такрор бўлса ҳам уларнинг баъзиларини баён қиламиз: “Огоҳ бўлинг! Аёлларга яхши муомалада бўлинглар. Чунки улар сизларнинг ҳузурингизда асирадир. Улар ҳақида яхши муомалада бўлишдан бошқасига эга эмассизлар. Лекин очиқ фоҳиша ишни қилсалар, унда эгасизлар” (Имом Термизий ривояти); “Албатта, мўминларнинг имони комили хулқи яхшисидир. Сизларнинг яхшиларингиз аҳлига яхшиларингиздир”; “Аёлларга яхши муомалада бўлинглар. Албатта, аёл қовургадан яратилган. Қовурганинг энг қийшиқ жойи юқорисидир. Уни тўгрилайман десангиз, синдириб кўясиз. Агар шу ҳолида тарк қилсангиз, эгрилигида қолаверади. Бас, аёлларга яхши муомалада бўлинглар”
“(Эй, Макка аҳли!) Ҳақиқатан, сизларга ўзларингиздан (чиққан), қийинчиликларингиздан алам чекадиган, сизлар билан (ҳидоят топишингиз билан) қизиқувчи, мўминларга мушфиқ ва раҳмдил Расул келди” (Тавба сураси, 128-оят).

“Исломда оила”, муаммо ва ечимлар китобидан