Muslima.Uz

Маъносизлик балоси

Подробности

Бўлим: Долзарб мавзу

 

 

 

Замонавий фан ва сонлар гапиради: “ Дунё статистикаси билан келишган ҳолда шуни айтиш мумкинки, Америка талабаларининг ўлим сабаблари сафида йўл ҳаракати фожиаларидан сўнг 2- ўринда ўз жонига қасд қилиш туради. Шунчаки ўз жонига қасд қилишдан кўра нимадандир қайғуриб ўзини ўлдирганлар сони 15 баробар кўпдир.
Американинг Айдахо штатидаги Университетда ўзини ўлдирмоқчи бўлган талабалар орасида сўров ўтказилганда уларнинг 85% ҳаётидан ҳеч қандай маъно топмаганлигини сабаб қилиб кўрсатди. Талабаларнинг 93% ёш, жисмонан соғлом ва яхши шароитда ота-онаси билан келишган ҳолатда яшайди. Жамиятда баланд чўққиларни эгаллаганлиги билан ажралиб ҳам туради. Айримлари эса ҳаёти давомида бир мақсадни олдига қўйган ва шу мақсадга эриша олмагани учун ҳам ўз жонига қасд қилган. Бу ҳолат нафақат ёшлар балки катталарни ҳам четлаб ўтмаган. Гарвард Университетининг битирувчилари орасидаги сўровномани келтирамиз. Диплом ҳимоясидан 20 йил ўтиб ҳам уларнинг кўпи ҳаётлари мазмунсизлигидан шикоят қилади. Ахир улар омадли, карерага эга, ҳамма нарсаси етарли инсонлар-ку. Айтгандек, яна ичкилик ва гиёҳвандлик қурбонларининг 90% и ҳам ҳаётининг маъносизлигини ҳис этишган.
Ақшнинг 360 та Университетининг 189733 талабаси орасида ўтказилган сўровнома натижаси ҳам фикрларимизга ҳеч қандай шубҳа қолдирмайди. 73,7% талаба ҳаётининг мазмунига эга бўладиган ғояга эга бўлишини таъкидлайди. Миллий Соғлиқни Сақлаш Институтининг маълумотларига кўра 48та Олий Ўқув Юртларининг 7948 нафар талабасини ҳаётнинг мазмунсизлиги қийнамоқда.
Касал тузалишни камбағал бойишни исташига баҳс йўқ. Яна шу билан баҳс боғлаб бўлмайдики, пул ва соғлик уларга режаларидагидек яхши яшаш учун зарур.
Эйнштейн шундай деган: Ҳаётида мазмун йўқ инсон нафақат бахтсиз балки яшашга яроқсиз ҳамдир. Виктор Франкл бу фикрга шундай якун ясаган: Яшашга фақатгина келажакка интилганлар, ўзининг ўрнини биладиганлар, мақсадга етишни орзў қиладиганлар  қодир.”
Илоҳий Каломнинг 67-сўра 2-оятини келтириб ўтмоқчимиз: “У, ўлим ва ҳаётни сизларнинг қайсиларингиз амалда яхшироқ эканлигингизни синаш учун яратди...”
Ҳаёт ва унинг орқасидан эгашиб келадиган ўлимнинг мазмуни нима?
Ҳар бир инсонни синовдан ўтказиб гўзал амалларини аниқлаш. Инсон айрим аҳамиятсиз яхшиликлари учун ҳам абадий бахтга эриша олади.
Сенека айтадики, ҳаёт икки қисмдан иборат.
1.Бизнинг эҳтиёжларимизни қондириш учун керак бўладиган фаоллик.
2. Руҳий комиллик ҳамда ўқиш ва ҳунар ўрганишимиз учун кетадиган вақт.
2-сура 148-оят: "Ҳар кимнинг юзланадиган тарафи бор У ўшанга боқадир. Яхшиликларга шошилинг. Қаерда бўлсангиз ҳам Аллоҳ сизларни жамлайдир. Албатта, Аллоҳ ҳар бир нарсага қодирдир.”
Яратувчи айтганидек, инсон бу дунёда охират мусобақаси ёки абадий роҳатга эриштирувчи мақсадлар ила эмас, ўз қўллари билан қураётган роҳатла банд. Улар бир-бирларини туртиб мақсадлари томон интилади. Соғлом рақобат тўғрисида гап бўлиши ҳам мумкин эмас. Улар уришиб-сўкишиб ҳали стартда туришибди, ваҳоланки белгиланган вақт оралиғида улар финишга етиб келишлари керак. Афсуски тешик тоғора билан қолиб кетганимиздагина айбдорни қидириб қоламиз.
Ҳаётнинг мазмуни бизни қамраб олган Яратгувчининг қудрати ва борлигини англаш. У бизга эмас, аксинча биз унга муҳтож бўладиган Эгамиз қаршисида турмоқ. Инсон ва жинларнинг ҳаётидаги ягона мазмун шу.
Менимча, инсон ва жинлар бу каломнинг туб моҳиятини ердаги муҳлатни ўтаб бўлгач тобут чегарасидан ўтгач, қиёмат куни тирилиб Оллоҳ қаршисида тургандагина англаб етадилар. Айнан ўшанда бизларни кутиб турган абадийлик қаршисида кўзларимиз ва юракларимиз шарақлаб очилади. У бизга умумий мўлжални берган. Фикримча одам ўз ҳаёти мазмунини топиб қатъан, оиласи, вужуди ва руҳи олдидаги хизматига интилиш билан бирга бетакрор шедевр яратиши шарт. Энг муҳими шу тартибсизлик ичида Ҳаёт мазмунини йўқотмаслик.

Муаййада Раҳмон