Янги мақолалар

Сайт бўлимлари

Никоҳ эълони ва унда кўнгилхушлик қилиш

Никоҳни эълон қилишнинг ҳикмати аввал ҳам айтиб ўтилди. Ўша эълон қилишда баъзи мусиқа овозлари ҳам ишлатилиши ҳадисларда келган. Шу билан бирга, никоҳ тўйларида шариат кўрсатмалари доирасида кўнгилхушлик қилишга рухсат берилган. Бу ҳақийқатларни келгуси ҳадиси шарифлардан ва уларнинг шарҳидан ўрганамиз.

Никоҳ тўйини қилиш кимнинг зиммасида?

Авваллари бу савол ўртага ташланмаган, чунки никоҳ тўйи кимнинг зиммасида эканлигини ҳамма яхши билган ва унга амал қилган.

Эр-хотин орасидаги муштарак ҳуқуқлар

Ушбу турдаги ҳақлар эрга ҳам, хотинга ҳам бир тарафдан ҳақ бўлса, иккинчи тарафдан мажбурият ҳисобланадиган нарсалардир. Икки тараф ҳам мазкур ҳақдан баҳраманд бўлиш билан бирга, худди ўша нарсани умр йўлдошининг ҳаққи сифатида адо этиши ҳам зарурдир.

Энг заиф уй

Ўргимчак тўри — уйларнинг энг заифи. Бу ҳар икки маънода ҳам шундай.

Никоҳ эълони ва унда кўнгилху�
Никоҳ тўйини қилиш кимнинг зи�
Эр-хотин орасидаги муштарак ҳ�
Энг заиф уй

Muslima.Uz

Товуқ жигари (Индонезия)

Подробности: Бўлим: Пазандачилик

Бир бош қалампирни парраклаб, майин тўрғалган пиёз билан аралаштирилади. Кейин уни ўсимлик мойида бироз қовуриб оласиз. Товуқ жигарини майда бўлаклаб, доимо айлантирган ҳолда кучли оловда қовурасиз. Уни пиёз-қалампир аралашмаси билан безатиб, тузини ростлайсиз ва сливка қўшиб дастурхонга тортасиз.
Масаллиқ: 400 грамм товуқ жигари, 300 г пиёз, 100 г сливка, ўсимлик мойи, қалампир ва туз.

Балиқ тэбеси (Татаристон)

Подробности: Бўлим: Пазандачилик

Бу таом майда дарё балиғидан тайёрланади. Балиқни тозалайсиз ва ювасиз, кейин дуршлагдаги балиқни тузлайсиз ва қалампир сепасиз. Қиздирилган ёғда қизаргунча пиширасиз, сўнгра унга тухум ва сутдан тайёрланган аралашма қуясиз. Кейин духовкада 15-20 дақиқа ушлаб турасиз.
Масаллиқ: 500 грамм балиқ, 4 та тухум, 40 г доғланган ёғ, 100 г сут, қалампир, туз.

Ажабсанда (Осиё халқлари таоми)

Подробности: Бўлим: Пазандачилик

Асосан буғда пишириладиган бу таом учун катта ва кичик ҳажмли иккита идиш (қозон ёки кастрюлка) керак бўлади. Картошкани арчиб, бир сантиметрли кубик шаклида тўғрайсиз. Сабзини эса худди паловга тўғрагандек сомон шаклида, помидорни тилик-тилик ёки паррак-паррак, пиёзни халқачалар шаклида тўғрайсиз. Саримсоқ доналарга ажратилади. Гўшт билан ёғ бош бармоқнинг биринчи бўғими катталигида майдаланади. Аччиқ ва чучук қалампирларни майда тўрғаб, қирқилган кашнич билан укропга аралаштириб қўясиз.
Энди кичик идишнинг ичига бир қатлам қилиб картошкани соласиз, унинг ўзига лойиқ туз, мурч ва майдалаб қўйилган ошкўклардан сепинг. Иккинчи қатламга сабзини соласиз, унинг ҳам туз-намагини ростлайсиз. Ўчинчи қатламга помидор бўлакларини соласиз-да, унга ҳам кўкатлардан ва туз сепасиз. Тўртинчи қатламда пиёз, бешинчисида саримсоқ, олтинчи қатламда эса гўшт билан эритилмаган ёғ бўлади.
Кичик идишни катта идиш ичига ўрнатасиз, идишлар орасидаги бўшлиқ жойга сув қуясиз. Таом шу сувнинг буғида пишади. Сувни кичик идиши лабидан анча пастроқ сатҳга қуйинг, шарақлаб қайнаганда масаллиқ ичига тушмайдиган бўлсин.
Кичик идишнинг оғзи очиқ ҳолда, катта идишнинг қопқоғини жипс қилиб ёпиб, оловга қўясиз. Идиш доим ёпиқ тургани учун баъзи дармондорилар ва ифори мойлар учиб кетмайди, нобуд бўлмайди, шу сабабли бу таом ғоят тотли ва фойдали бўлади.
Пишиш муддати икки соат. Агар суви камайиб қолса, бемалол очиб, оралиқ жойга қайноқ сув қуйишингиз мумкин. Ажабсанда қанча узоқ қайнаса (масалан беш соатгача), шунча лаззатли бўлаверади. Бу таом ортиқча вақт олмайди, бордию меҳмонингиз кечикса ҳам ҳар қанча оловда тураверади. Таом косаларга сузиб, дастурхонга тортилади. Бунда косага ҳамма масаллиқдан баравар тушишига эътибор беринг.
Масаллиқ: 500 грамм қўй гўшти, 150 г қўй думбаси ёки чавриси, 5 дона картошка, 5 дона пиёз, 4 дона помидор, 3 дона сабзи, бир бош саримсоқ, укроп, кашнич каби кўкатлар, 1-2 бошдан аччиқ ва чучук қалампир, туз.

Арабча шўрва (Арабистон)

Подробности: Бўлим: Пазандачилик

Помидор ва сувда қайнатилган гурунчдан алоҳида пюре тайёрлаб олинади. Уни элакдан ўтказиб, олдиндан тайёрланган оқ соусга аралаштирилади. Кейин унга пўсти ва уруғи тозаланган ҳамда сомон шаклида кесилган ширин қалампир ташланади. Шўрвага сариёғ, сливка, тухум сариғи қўшиб қайнатилади ва туз сепилади.
Масаллиқ: 80 грамм помидор, 30 г гурунч, 250 г оқ соус, 40 г ширин қалампир (бутуни), 40 граммдан сливка, тухум сариғи, 10 г сариёғ, туз.

Фарғонача палов (Ўзбекистон)

Подробности: Бўлим: Пазандачилик

Кубик шаклида тўрғалган қўй думбасини эритиб, жиззасини оласиз. Кейин қаттиқ қиздирилган ёғга гўшти олинган кичикроқ суяк ташлаб, қизил-қўнғир рангга киргунча қовурасиз. Кейин уни олиб ташлаб, аввал гўшт бўлакларини, кейин парракланган пиёзни, буларни бироз қовуриб олгандан кейин сомон шаклида майдаланган сабзини ташлайсиз. Уларни қовуриш жараёнида тузини ростлайсиз, зира, зирк, кашнич каби зираворларни ташлайсиз. Бироз сув қуйиб, яхшилаб қайнатгач, тозалаб-ювилган гурунчни ташлайсиз. Сўнгра гурунчни кўмгудай сув қуйиб, сувини тортгач, 20-30 дақиқага дамлаб қўясиз. Дастурхонга турли салатлар ва сирка билан тортилади.
Масаллиқ: 500 грамм қўй гўшти, 500 г гурунч, 120 г қўй думбаси, 250 г сабзи, 3 та пиёз, бир ош қошиғида зираворлар мажмуи ва туз.

Каватокдан голубси (Озарбойжон)

Подробности: Бўлим: Пазандачилик

Майда тўрғалган пиёзни ўсимлик мойида қовурасиз, унга бодом мағзини қўшиб яна бир дақиқача димлагандан сўнг унга гўшт, гурунч, ялпиз, туз, қалампир, долчин қўшиб бир қовуриб оласиз. Ток баргини бир дақиқага қайноқ сувга соласиз. Кейин уни ёзиб, тайёрлаган қиймангиздан бир ош қошиғида солиб чиқасиз. Уни ўраб чиқсангиз, бармоқ катталигидаги қувурча шаклига киради. Қайнатганда очилиб кетмаслиги учун уни ип билан ўраб қўйса ҳам бўлади. Кастрюлкани оловга қўйиб, голубсиларни кўмгудай сув қуясиз ва қопқоғи ёпиқ ҳолда 25 дақиқача қайнатасиз.
Масаллиқ: 300 грамм юмшатилган мол гўшти, 30 дона ёш ток барги, битта каттароқ пиёз, 6 та ош қошиғида хом гурунч, 4 та ош қошиғида майдаланган бодом мағзи, 3 та ош қошиғида ўсимлик мойи, бир чимдим майдаланган ялпиз (ҳўл ёки қуруғи), бир чимдимдан долчин, туз, қалампир.

2-чи саҳифа, умумий 5 саҳифа бор

Кўп манзур бўлган мақолалар

Ҳозир сайтимизда 78 та меҳмон бор, сайт аъзолари эса йўқ

Зинонинг “замонавий” тури

Собиқ синфдошим. «Одноклассники.ру» сайтидан топиб олдим. Биз мактабда ўқиб юрган кезлармиз севишардик... Буни қаранг-ки, «одноклассники»дан топишганимизда, у мени ҳалиям севишини айтди. Муҳаббатимиз сўнмаган экан.